演吸毒戲被讚演技

    江嘉敏拍強姦戲唔尷尬

    由徐正康和吳冠宇聯合監製、鄭成武編審的二十集劇集《黯夜守護者》，演員陣容包括陳展鵬、陳煒、陳敏之、李國麟、江嘉敏、謝東閔、袁文傑及車婉婉等。本周劇情KOL小寶（江嘉敏飾）被逼吸食毒品，不少網民讚小寶毒性發作一幕演技出色，江嘉敏透露參考了身邊友人親身經歷。

    江嘉敏說：“劇組話吸食咗毒品會好似飲醉酒咁頭痛、胡言亂語、發冷發熱。所以我就參考咗身邊朋友飲醉酒時啲得意嘢嚟用。”她指敏之及展鵬在該場戲給予不少意見：“佢哋有幫我，睇吓會唔會浮誇咗、有啲咩位要收。”監製吳冠宇補充，展鵬在與嘉敏的互動戲中提出不少意見：“佢覺得依家同小朋友或年輕人相處再唔係由上而下，要好似朋友咁窒嚟窒去，佢哋好多場口都有事先夾過。”嘉敏亦直指當正展鵬半個爸爸：“我鏡頭前後都係咁嗌佢。”

    嘉敏指劇組感情十分要好，原因與拍攝主鏡是火鍋店有關：“敏之同東閔會成日帶啲好靚嘅醬、牛肉同豬肉返嚟，我哋無論拍緊嘢、定還是放緊飯都係打緊邊爐，所以好快就熟咗。佢哋另外又會帶好多零食返嚟，講吓邊啲好食邊啲唔好食。去到啲輕鬆戲，我哋又會一齊Jam吓，因為套劇唔係想一味認真查案，所以我哋會做功課落返啲笑料落去。”

    飾演艇仔的施焯日，之前的劇集均飾演乖乖仔，今次破格演壞人他說難度很高：“因為我完全唔知點樣做壞人，所以我就買咗本書《反派的力量》仔細研究。”他坦言拍攝侵犯嘉敏戲時大感尷尬：“突然之間有身體接觸係好尷尬嘅，但好在嘉敏佢唔係好尷尬，反而幫到我容易入戲，佢女仔都冇避忌，我更加唔需要。”