陳瀅周嘉洛跳出框框

    晩晩必有手術室戲份，剖解心肺腦，唯一的產房戲，終於出現在《痞子殿下》大結局……為《白色強人》第三集提供了題材。可封陳瀅為TVB“孕后”，生仔時那七級痛卻成了十級好笑，痛到成個人彈吓彈吓，捉住老公隻手猛咁咬：“好痛呀，幫吓我啦。”演老公的周嘉洛更好笑，痛到飊眼水之時，頭部又遭到粉拳連環襲擊，“都係最衰你，累到我咁痛。”更搶地呼天：“我唔生啦。”如此生仔大混亂中的陳瀅與周嘉洛，極樂又是極痛，演得實在好，逗得觀衆大笑……

    演活孕后、戇夫，正好配合瘋狂喜劇風格。這其實是無心插柳柳成蔭，周嘉洛執王祖藍二攤，陳瀅感到失望想辭演，“初時有啲驚，從未見過嘉洛演戲，對他零認識。”陳瀅表示：“我之前嘅拍檔係黃宗澤、馬德鐘、蕭正楠，都係成熟穩重型，我認為自己的男伴，要好Man，要識照顧女仔，愛情好浪漫。後來知道係女尊男卑，咁就好玩，可以盡情糟躓佢，但想唔到嘉洛可以演到咁廢嘅角色。”

    執王祖藍二攤，周嘉洛感到很大壓力，“亦感謝陳瀅當我朋友，叫我享受過程。第一套一定有瑕疵，識得享受，信心會大些，經歷會難忘。”

    跳出《愛·回家》，踏上《痞》劇男一位置；雖然近年備受公司力捧，嘉洛自知仍有很多不足之處，不想一步登天。“我完全唔覺得自己做得好，我會學識接受及改善自己，唯一方法是勇往直前——亦係我的一個經歷階段，觀衆好不幸，看到我呢個階段，哈哈。”陳瀅慶幸沒有走寶，多謝當年經理人力薦她與嘉洛合作，擦出了火花。至於嘉洛露股，陳瀅生仔，屬監製神來之筆，“喺電視唔係咁好，有小朋友睇，但電影觀眾會接受。”

    入行七年做男一，可有被同行妒忌？“我妒忌！”陳瀅語音未落，嘉洛接話：“最重要係做好自己同過到自己那一關，値得擁有這些機會才可以繼續。待人接物亦要小心。”少年得志，語有倫次。

    高  梁