杜大偉減肥成功事業重生

    人稱“David哥”的杜大偉，日前接受無線娛樂新聞台《星光路上》主持人潘盈慧專訪，分享入行多年的辛酸。

    今年四十五歲的杜大偉，透露自己在一九九七年加入無線藝員訓練班：“起初一心打算做幕後，惟報讀電視台平面設計訓練班競爭太大，才誤打撞轉讀藝訓班。結果受導師黃霑、羅冠蘭、詹瑞文等薰陶，對演戲愈來感興趣。”二○○一年，杜大偉與林峰、黃宗澤、楊怡及葉璇 等組成“九男女”並獲無線力捧，隨即夥拍當紅花旦陳妙瑛、向海嵐等拍攝經典劇集《無頭東宮》，亦因此跟陳妙瑛結緣成為好友。

    提到自《無頭東宮》後棄影從商的陳妙瑛，杜大偉大爆對方其實心郁郁想復出：“之前叫佢來《愛 · 回家之開心速遞》客串兩三集，佢想有少少心郁。佢私下同我講過有監製曾經想佢出來拍戲，佢都心大心細。”

    其後在兒童組打滾了十三年的杜大偉，感到遇上事業樽頸位，決定跳出舒適圈。可惜一直養尊處優導致身形暴脹，令重返劇組的他遲遲未獲演出機會，就連好友古明華亦睇唔過眼。杜大偉憶述：“佢問我想點？呢個身形只能夠搵我做猥瑣佬或者阿叔！”最後杜大偉扚起心肝減肥，找回定位後重獲監製賞識，除了於劇集《心理追兇》、《福爾摩師奶》、《十八年後的終極告白》中甚有發揮之外，近年還憑着《愛 · 回家》的“關彼得”一角成功入屋。