海俊傑街頭表演反應佳

    近排忙於宣傳新歌《平行時空》的海俊傑，日前受福音節目《2人3轆》邀請做嘉賓，海仔同主持人李有毅坐三輪機動車周圍去，包括到海仔小時候住過嘅地方。海俊傑感觸良多：“嘩！個腦立即惗返起以前同爺爺嫲嫲一家人好開心嘅日子，真係好懷念（之後定格咗十秒），回過神望到而家眼前現實景象有種平行時空嘅感覺！真係好多感覺湧現，好有趣。”

    節目又安排海仔去做街頭表演，海仔話：“玩之前都有啲緊張，唔知多唔多人，又唔知有乜嘢反應，都唔理得咁多交畀神安排！”當街頭表演開始，他唱新歌《平行時空》，慢慢吸引到人流，有位小學生同媽咪講：“佢係《法證先鋒》嗰個史釘呀！係史釘呀！” 海俊傑好興奮話：“好好玩，想再玩多幾次。順利地完成真係好開心，好感恩，感謝主。”