學粵劇唔過關大懲罰

    黃妍被羅家英變花面貓

    唱作女歌手黃妍(Cath)向來以文青形象示人，但其實在唱片公司同事眼中，她在歌唱事業上仍有更多可塑性，所以特別安排了Cath參與《一日妍究生》短片拍攝。首個任務便是要按照嘉賓羅家英的教導，完成多個粵劇基本功訓練，可惜Cath未能完成任務，結果要被家英哥大懲罰畫上粵劇丑角的妝容，兩人玩出火花。

    今次短片出動家英哥參與拍攝，教授Cath在粵劇上運氣、做手、眼神上的要點，她坦言“學到嘢”：“最學到係運氣，因為家英哥教我吸啖氣落到丹田底時，點樣再隊返啲氣出嚟，我哋拍攝時有Test，用吹汽球測試係咪做到，點知我真係做到，唔用佢個方法，同用佢個方法就係吹唔吹到嘅分別，呢個係幾勁。”她在現場用盡九牛二虎之力也未能吹大汽球，但家英哥教路後，一下子就成功了，在場的工作人員也由取笑她變成為她歡呼。

    除了運氣，家英哥亦有教導Cath粵劇做手，之後更要她嘗試以歌曲《天光前》配合做手演唱一段，她試過後發現粵劇有好高難度：“我平日睇粵劇做手以為只需要放輕去做，但家英哥教路原來要用力，用到去手指尖，我真係唔知。”

    首度與家英哥合作的Cath，感謝對方很有耐性逐一回答解釋：“家英哥話我個樣有啲似阿Sa（蔡卓妍），跟住將我哋嘅自拍Send咗畀阿Sa，話認識咗黃妍，跟住阿Sa覆返家英哥話一樣有個‘妍’字，成件事好得意。”

    雖然合作愉快，但嚴格的家英哥都未有讓Cath順利過關，最終在其臉上畫上粵劇丑角妝。