陳山聰唔抗拒易服

    無線劇集《十八年後的終極告白2.0》前晚劇情講原來Jason（陳山聰飾）有易服癖，Queenie身亡當晚、穿着豹紋鞋和漁網絲襪的“女人”正是他。是集山聰的演出搶盡鋒頭，易服後的金髮女郎Look，舉手投足滲出陣陣女人味。有網友留言指：“山聰扮女人幾似，幫佢化妝嗰個超勁！”“陳山聰個女人樣竟然出奇地幾好喎。”

    陳山聰亦於IG 留言感謝化妝師，希望冇嚇親大家：“作為一個演員，收到任何角色都一定會盡力去演活佢，我係一個好Crazy 嘅演員，所以我一定全程投入，首先感謝監製Simon 同編審創作咗呢個角色畀我，感謝視帝肯陪我癲。”他坦言今次演易服癖很大突破，收到劇本時感到好愕然：“我第一樣嘢唔係抗拒，而係同監製傾點樣做靚個角色，因為如果醜化咗，觀眾就會好抗拒，所以今次專登搵咗化妝師去設計呢個女性妝。”