新片“床戰”兩女

    鄭嘉穎睇首映老婆缺席

    前日新片《焚情》搞首映，主角鄭嘉穎、陳靜、朱晨麗等亮相。提到太太陳凱琳 (Grace) 的龍鳳胎弟弟Derek，分享與爸爸的最新合照引來網民熱議，Derek一臉混血兒長相跟爸爸差異大成焦點，向來愛抽水的林作又搞事，嘉穎淡定回應，不讓對方繼續糾纏。

    林作提出以一百萬港元叫Derek驗DNA ，陳凱琳胞姊Joyce在社交平台回應：“林作先生，一百萬會唔會少咗啲？”之後林作準備找媽咪幫他加錢。此事會否破壞為太太慶祝生日心情？嘉穎回應：“當事人都冇影響心情，又點會影響到我心情呢？”Grace和Derek心情如何？他說：“據我所知全部都正常！”

    提到大家姐Joyce戲言林作出一百萬太少，林作又叫媽咪籌錢加碼，嘉穎說：“這都是個人觀感，本人覺得目的是甚麼，大家都清楚，無聊嘢，不回應是最好的回應，問我一百次也這樣講，再回答他又會繼續，何必要沒完沒了呢？”會否覺得林作無風起浪對他反感？嘉穎說大家自有觀感，最重要自己可以開開心心吃到飯。

    提到Grace 卅一歲生日，嘉穎新片《焚情》與陳靜有不少精彩親熱場面，會否一齊睇戲慶祝？嘉穎說：“唔好挖個坑我踩，她應該會看，如果有我陪住看，可以按住她！”  陳靜說今次這電影似教科書，她是反面教材，朱晨麗則是正面教材，給觀眾思考和警剔一下現代男女關係。戲中朱晨麗與Dada有場打鬥戲，朱晨麗笑言被Dada叉頸，Dada笑謂朱晨麗有舞蹈根底好打得，不過最激還是一場她倆與嘉穎三人的“同床戲”。