歷劫望鄉南洋姐

    上世紀初，大批日本少女被賣南洋山打根妓寨，賺外匯以救經濟，史稱“南洋姐”。《山打根八番娼館》有姐曰阿崎，十三歲被賣，歸鄉時已年老色衰。此辛酸事，史有電影曰《望鄉》。

    田中絹代為重現歷盡滄桑阿崎婆，不惜剝盡好牙，瘦其筋骨。觀其形視其態，管你鐵人硬漢，亦感黯然神傷。栗原小卷查根問底，掘出阿崎婆故事，佢因此片紅遍中國。加之正氣靚麗，已成昔日國人集體偶像。

    講妓寨難避裸露。昔時改革開放之初，內地社會人心未轉彎，雖經刪剪，仍被指黃色，要求禁映。故事悲慘如斯，認知悲哀亦如是。此結數十年後終得解。

    田中絹代乃日本殿堂級阿姐，十歲登台，十五歲出道，雖非學院出身，二戰後卻一度風光日本影圈。經典如《楢山節考》，早享譽國際影壇。

    拍《望鄉》後未及兩年，因肺癌上腦，四十八年前今日，田中歸道山，齡僅六十七。

    西門公子