梁諾妍蔡寶欣愛寵無限

    梁諾妍(Inez)和蔡寶欣(Pony)主持的旅遊節目《跑住玩》，結伴到台灣和日本，由小島海岸到高山峻嶺，實行跑住玩，為大家發掘更多湖光山色和風土人情，一邊跑步一邊遊歷。二人在前晚播出的一集跑到去貓多過人的湯島，既可一解Pony思貓之情，更觸動了二人愛寵之心，Inez還憶述愛犬離世之時剛巧懷孕，心情百感交集。

    家中養了幾隻貓的Pony自言，仍然未能完全面對寵物的生離死別，曾有愛貓因糖尿病離世的她說：“佢走之前我出咗個Trip，我同佢講話‘你乖乖地喇，我好快返！’但在我回香港前一日佢已經走咗，媽咪同我講話其實喺我走嘅第一日佢個狀態已經開始差，佢堅持落去嘅原因係因為我喺度，好像懂得聽人說話一樣。”

    養狗的Inez亦曾面對愛犬的離世，她稱當時所領養的狗因為年紀大和病痛多，陪了自己兩年便離開了；最難忘是當時正是她懷有BB之際。Inez回想說：“我喊足三日三夜，真係好難接受。咁我就用咗另一個方法去釋懷，因為佢離開嘅時候我啱啱知道自己有咗，所以我就覺得佢係返咗嚟我個肚裡面。”