梁茵防男友偷歡有妙招

    梁茵(Kiko)有份參演HOY首個自家微短劇《我家有囍事》，正播放得如火如荼，當中和林德信(Alex)、林穎彤在劇中的三角關係，更成為網民熱話。為滿足追劇觀眾，逢周日會推出一氣呵成版，讓觀眾一次過睇足十集，過足戲癮。拍劇時候，通常都做些拜金女的角色，但現實中，Kiko對防止男友偷歡也有一套獨有的方法。她說：“要得閒幫佢放電囉！哈哈哈！呢個係令到關係走得更遠嘅方法，得閒同佢做吓運動呀……我嘅意思係跑步呀！我嘅角色雖然係好豪放，但我自己其實係冇咁主動，以前覺得呢啲嘢應該係男仔做嘅，但係而家男女平等，所以有時真係要為伴侶炮製啲浪漫驚喜囉！”

    Kiko除了幕前的工作，她還擔任餐廳的實習店長，希望將來有機會開舖。她說：“個個都以為店長唔使做，其實最忙都係佢，因為我之前做過侍應同埋樓面，其實唔係想像中咁易。我哋本身係從事演藝，突然要轉去另一個行業，我哋花費嘅時間，係畀其他人多，亦都要長期努力，先至可以得到別人嘅認同！而自己開舖頭就係我終極目標，亦都有幾位夥伴喺度協調緊，希望可以早日成事啦！”