成軍一周年與粉絲同歡

    ROVER坦言前路更難行

    香港新生代樂隊ROVER為慶祝成軍一周年紀念，日前與120 位Radar（ROVER粉絲暱稱）舉辦燒烤慶祝聚會，與120位 Radar近距離互動聊天、玩遊戲回饋一眾粉絲的支持，現場氣氛熱烈溫馨。ROVER感性多謝大家外，又分享過去一年成長感受。

    ROVER成員卓金樂(Kim)、雷濠權(Jason)、陳鎮亨（亨仔）及王希晉，四人由追夢的《造星》舞台走到叱咤大舞台，獲得了《2024年度叱咤樂壇流行榜頒獎禮》“生力軍組合銀獎”。成軍一年，ROVER特意舉辦聚會，感謝粉絲不離不棄，並分享入行一年的感受。亨仔說：“希望作多啲歌畀大家聽，希望愈來愈多大家鍾意嘅作品，同大家繼續撐我哋。”希晉則道：“過去一年對我哋四個嚟講都唔容易，多謝在座嘅每一位，相信過咗新年（新人獎後）條路係更加難行，希望大家初心不變，用真摯嘅心去同每一位粉絲傾偈、表達，繼續陪我哋一路漫遊。”

    至於在澳門長大、讀書的Jason，因為ROVER已搬到香港居住，對Jason來說感受亦特別深：“老實講係有啲唔適應，轉變咗嘅生活同環境，但係能夠畀我堅持落去，就係在座嘅每位，你哋去share我哋嘅作品，令到我哋覺得我哋嘅作品有人認同，我哋會繼續用感恩去做多啲唔同嘅音樂。”Kim坦言沒有想到有今天：“一年前嘅自己冇諗過會去到呢一步，好多謝粉絲支持，希望你哋可以話到畀人聽，支持ROVER係一個驕傲嘅事。”

    活動中，粉絲不僅為ROVER準備周年蛋糕，亦為三月三日生日的Kim、三月五日生日的亨仔順道慶生。粉絲更送上以四子黑圖製作“Rover周年紀念旗”，上面寫有“陪同我勇闖瘋巔宇宙，秒速一周年出道快樂，你的雷達陪您一路老化”，令ROVER哭笑不得，承諾會掛在Band房。