吳林峰開騷靠“食飯盒”

    唱作歌手吳林峰日前於西九舉行《吳林峰To Be…演唱會》，一連三場，全場爆滿。除邀得林愷鈴任嘉賓合唱《攤手黨》外，MIRROR成員Jeremy、柳應廷、許廷鏗、DJ當奴、少爺占、歌手moon tang、王雙駿等等捧場！吳林峰去年堅持“每兩星期”創一首新歌，這次演唱會一口氣唱出廿七首歌曲，為這個創舉劃上完美句號。

    因為呢次個唱將去年作品作總結，吳林峰表示感覺好輕鬆：“原來演唱會唔洗揀歌係幾爽，不過都要將啲歌分類、編曲。搞呢次音樂會係好瘋狂嘅一件事，其中一日要開日、夜兩場，我都知要好大體力，所以出騷前食咗好多嘢，一陣夜場開騷前會食多個飯盒補數。”

    台上吳林峰公開多謝女友，感謝對方不離不棄，坦言過去一年“幾辛苦”，表示會珍惜對方。他說：“來年要做多啲騷、寫多啲歌畀人！（儲老婆本？）女朋友好好啊，我地要儲錢……去旅行，老婆本就遲啲再講！”

    提到偶像方大同突然爆出死訊，吳林峰神情傷感：“佢嘅作品影響咗我哋呢代嘅歌手，尋晚都有唱《好不容易》致敬，我知大家都好傷心，都盡量唔提太多啦。”