憶紅線女往事

    “高梁，你好大鑊……”幾十年前晨早接電話。“我嚇大嘅，講！”跟紅線女有關——吓！女姐係港英政府的通緝犯，準備拉人；你雞乸咁大隻字標題：紅線女來了！來坐監呀……。天大粵劇新聞，一而再，默默在澳門深層次發生！第一段默默大新聞：紅線女經澳門返廣州定居的；第二段默默大新聞，因此遭到香港殖民政府通緝。二十多年了，她的稅款拖欠再拖欠，罰款再罰款……未曾理會，成了逃稅犯。回來了，豈不大動干戈圍捕哉！

    娛記性格樂觀，“大隊警員迎接，更加安全……。”既然大好事，不想平添任何風波，要歡天喜地度過。來電者，我高梁的老師，曾任教濠江中學，後“棄粉筆從商”，屬下有娛樂生意……“搶先爆甚麼秘聞呢？尤其大活動，以官方通報為先……。”幸好，女姐平安，有名人出面，請律師到稅務局解決了。罰款多過未繳稅項（幾多？），濃情厚意加合法搞掂咗。風雲變幻，你心中有數就好。

    立正敬禮，老師在天之靈，也許仍惦念一件事——廣州紀念女姐九十九周年誕辰。香港鐵定紀念女姐一百周年誕辰。澳門？也應紀念一百〇一周年誕辰，好嗎？

    從澳門拱北上廣州，闊別二十多年。浩劫剛過，女姐率先返港會戲迷……，平安到達九龍尖沙咀大鐘樓。“波叔”梁醒波、八和會長“炎叔”黃炎，率領大隊紅伶及八和子弟拉起大橫額恭候歡迎……。為了安全隆重，與警方溝通安排，少安毋燥——讓火車乘客先行下車後，才舉行歡迎式。鑽石放在哪裡都會發亮，被“禁錮”車廂的女姐，靜候期間，被魚貫而出的火車乘客發現了，女姐呀，女姐來了！紅線女呀，哎吔吔，紅線女呀……。一片驚呼聲乘客戲迷一哄而上，擠爆一起。有壯士振臂一呼：疏散女姐，保護女姐！八和子弟隊伍力爭上游去護駕……呼聲四起：保護女姐！保護波叔！保護炎叔！兩位老人家險些墮入了火車底；七手八腳，又去搶救墮軌邊緣兩叔父。好艱難與女姐握手聚舊，大喘粗氣，滿頭冷汗。“德叔”葉紹德大喝衆娛記：“唔准影，等幾位老人家抖順條氣，識得笑至影啦。係久別重逢，唔係走難呀。”

    後記：普通明星，新聞都很普通。巨星名伶新聞，永遠獨特，保證與衆不同。那麼真，來不得假。

    （紀念女姐百年誕辰 · 二之二）

    高梁