陳蕾見洪嘉豪失控大笑

    《KATCH OUR LIFE 陳蕾 x 洪嘉豪 x 魏浚笙 音樂會》，將於本月十六日假亞洲國際博覽館Arena舉行，陳蕾、洪嘉豪(Kaho)及魏浚笙(Jeffrey)首度同台演出，近日已密鑼緊鼓作最後準備。三人為今次音樂會費盡心思，開show前特別透露了rundown上的可行性。今次三個人一齊開show，合作環節少不了，問到將會是一個怎樣的氛圍，陳蕾說：“甜蜜！我好活潑可愛，我哋三個一齊嘅vibe都幾歡樂，所以會想喺台上將呢一面帶畀大家，可以唱一啲輕鬆合唱歌。”

    不過陳蕾與嘉豪本身老友鬼鬼，經過今次合作之後，Jeffrey的加入令歡樂氣氛昇溫。為了避免笑場，嘉豪提議道：“不如你唱，我彈琴！”陳蕾聽到也覺得idea不錯：“幾好喎，好有氣質，你唔出聲？OK！最好唔見樣，淨係見到隻手，但我驚我淨係見到隻手都想笑，因為我一望到嘉豪就好想笑，所以我話好緊張呢個show，希望到時唔好失控，試過同嘉豪拍啲好認真嘅嘢，我笑到停唔到。”嘉豪聽罷表示：可以夾返企位，譬如三個合唱，你淨係望住Jeffrey，咁咪得囉！”