黃淑蔓想演喪屍片

    “寰亞孻女”黃淑蔓(Feanna)日前憑微電影《深房I am not alone》於“第六屆亞洲影藝國際電影節”再奪最佳女主角（短片）獎，導演吳詠琪則獲得“特別推薦獎”，雙喜臨門。昨日Feanna領獎致詞：“多謝亞洲影藝國際電影節，噚日我都有嚟睇其他入圍嘅作品，來自唔同地方，多謝大家咁鍾意電影，希望大家繼續多多支持。我喺今次微電影有少少突破，如果大家鍾意，可以上網睇多次呢部電影《深房》，亦可以聽埋我哋為咗呢部電影創作咗一首作品《I am All Alone》，多謝！”

    之後Feanna接受訪問，她興奮地說：“個獎座印咗我個名架！今次係我第二次得到演員獎項，雖然我之前都有拍電影上銀幕，但噚日放影會，喺大銀幕睇到呢部微電影《深房》，好震撼，感覺好唔同。之前為咗演出，專程跟邵美君老師上acting class，我覺得喺我音樂事業上都會係有相輔相成嘅幫助，亦好期待演藝上有唔同嘅作品。”戲中Feanna雖然對白不多，但表情和演技讓觀眾投入其恐懼心理狀態，有不寒而慄感覺，她笑說：“其實我好想演喪屍片，好有型嗰種。”