謝君豪拍MV有濕身照

    真人騷節目《選角》昨日舉行記者會，節目策劃人兼“老師”謝君豪及主持陳湛文與大部分參賽者均有出席。對於要面對一班年青參賽者，謝君豪表示一點也不難搞，最怕是他們唔出聲，但笑言有時參賽者太積極，令他不敢與他們有眼神接觸：“去廁所同放工都唔好望，有時啲課堂完咗，比賽完結都已經凌晨兩點幾，佢哋仲喺度chur。”他指雖然辛苦，但明白他們是因比賽而着緊，故就算冇覺好瞓也樂意幫忙：“個個人都有唔同問題，辛苦唔緊要，見到佢哋成長都好感動。”

    至於陳湛文就第一次做真人騷主持，做完後覺得強尼與森美好勁，雖然自己在主持方面沒太大天份，但仍然想繼續試：“我都有壓力，因為對住嗰班新生學子，唔可以衰，豪哥就為咗班學員冇覺好瞓，我食螺絲都會瞓唔着。”

    另外，謝君豪有份演出的電影《焚城》首日上畫票房三百八十萬，成二○二四年下半年最高開畫票房港產片。他表示開心，又笑言老細肯投資這個題材是癲癲哋，因為需要用好多錢，而且風險也很大，對於他們的月曆被指不夠性感，豪哥即笑說：“同澳洲嗰啲比？叫佢哋學我哋，我而家挑佢哋機，我哋都有濕身照，拍MV嗰陣仲噴濕晒，唔簡單！”