譚輝智將新歌送老婆曬恩愛

    譚輝智日前在商業電台《星光背後》節目中，宣傳首支派台歌《多麼感激》。他自言沒想過能於《中年好聲音2》總決賽摘下亞軍，因而令富爸爸譚握籌背景被揭露：“爸爸本身好唱口，亦鍾意唱歌，並且由《中1》時已經集集追，仲話啱我；到第二季宣傳就不斷叫我去參加，但我根本無上心。是全家人夾計令我參加比賽，最初係阿妹話想一齊跟李佳老師學唱歌，點知去到就得翻我自己學，李佳老師仲幫我報名參加比賽。面試當日，其實我到電視台門口已想縮沙，但回想係開心嘅，成個過程最大得益係自己勇敢咗，爸爸都為我驕傲。”

    譚輝智更指《多麼感激》這首歌除了感激粉絲外，還是送給太太的。他指最初是被太太像大姐姐般很會照顧人所吸引，現在更是“唔話得”，不單止支持他參加比賽，還為他擔任歌迷會主席，處理一切大小事務。問及太太會否擔心他加入複雜的娛樂圈，會像“中2生”鄭梓浩般惹來狂蜂浪蝶？他笑說：“太太睇到我咁嘅樣，都應該唔會有狂蜂浪蝶，會好放心！狂蜂浪蝶從來無喺我身上發生過。”