吳浩康自爆經濟狀況已轉佳

    吳浩康、Kiri T日前出席出席港鐵四十五周年嘉年華“Chill Fun鐵路樂園”，二人在活動上獻唱多首歌曲，炒熱全場氣氛，不少家長帶同子女捧場！吳浩康表示想帶愛子參與，但媽媽早安排其他活動未能同行：“我看到外面有很多攤位，聽日都應該有機會嚟多次！依家工作都可以自己就時間，所以平日有時間都帶佢去玩，反而星期六、日忙教會服務，十月仲會參加佈道會。”

    提到早前遠赴澳洲街頭表演，吳康浩就表示為移民港人解“思鄉情”：“其實我係去佈道會同傳教，同當地朋友傾開知道大家都有思鄉，所以即席街頭表演畀大家開心吓！有啲人話我‘唔係冇錢咩？點解咁有錢飛去澳洲做Busking？’，其實係誤會，機票係人地買畀我嘅，坦白講，我其實經濟狀況同工作狀況都已經改善咗很多，多謝大家關心！艱難時期同大家分享，依家好啲都會同大家講。”

    同場的Kiri T就話冇擔心演出下雨，仲話落雨夠浪漫適合自己歌曲：“台下有很多小朋友、粉絲，我覺得很可愛。我想快啲做完嘢出去玩攤位，雖然唔係高手但都想過吓癮。”提到演唱會舉行在即，Kiri T就話無法加場，盼在更大場地做個唱。