周慧敏多謝老公送靚燈籠

    周慧敏（阿V）《地老天荒愛一場世界巡迴演唱會》廣州站已於九月十五日順利完成，並與廣州歌迷預慶中秋節。她更不忘提攜後輩，邀請了黃劍文及陳宗澤擔任演唱會嘉賓，不過她錯口把陳宗澤講成黃宗澤，隨即萬分抱歉笑道，“哎喲，對你唔住，我返去罰自己背二千次陳宗澤！”而陳宗澤自爆也經常被喚作黃宗澤的英文名Bosco。

    演唱會上，阿V用鋼琴演奏貝多芬“月光奏鳴曲 · 第一樂章”，提早祝福歌迷朋友，“明月照人間，福樂滿四方，佳節快樂！”至於如何歡度中秋節，阿V表示，“當然係留給家人一齊過，我為咗演唱會，忙到已經兩個月冇睇過電影了，所以希望今晚食完中秋飯後，嘆一部好電影。我年年影中秋相送比歌迷，今年我將責任比左貓貓Mike仔影，但係要讚一讚老公，唔知由邊年開始，佢都負責會買燈籠畀我，今年佢就訂咗一個要自己砌嘅燈籠畀我，搞咗一輪先搞掂，哈哈。不過每一次嘅燈籠都係咁靚，好多謝佢。”

    網上有人非法售賣廣州站演唱會門票，包騷後可以與女神合影，開價五千元一張，有歌迷因而受騙；阿V稱透過歌迷通知後，已馬上發聲明表示，這絕對是騙案，千萬不要相信。