周汶錡湊仔可保身材

    周汶錡前晚出席慈善宴活動，身穿中門大開及大露背閃片裙的她，坦言為着靚衫都要忍口食少一點。晚宴上周汶錡與崔始源同枱，以往兩人曾在不同場合上多次見面，當年男圑Super Junior在港開演唱會，她都有去捧場。

    狀態不錯的她表示近年很少行時裝騷，都是睇騷多，不過適合的也可以再行騷。而保持健美體態之道，她笑言湊住七歲和九歲兩個仔仔自然Keep到Fit，因他倆全日都精力充沛，而且又黐她，所以返學和起居飲食都要照顧到足。之前暑假，周汶錡一家四口返法國旅行兼探親，每日陽光與海灘，她也曬得一身古銅健康膚色。

    談及新工作，她指最近市道稍為回復過來，開始多了不少活動邀請，她笑言本想試試做藝術家，但覺得還是兩個仔較適合：“依家啲小朋友創意無限，見佢哋作文嘅想法同我好正統嘅唔同，係好天馬行空，睇到好好笑，覺得好有創意。”那會否母子檔拍廣告？她指之前都有人邀拍，但還是由公司安排，不過老公方面是不太想，希望兒子先讀好書。