拍跳樓戲膽戰心驚

    劉俊謙：辛苦拉威也手足

    電影《武替道》由劉俊謙、董瑋（Dee哥）、伍允龍、蔡思韵主演，梁冠堯及梁冠舜聯合執導，將於本月廿六日上映。

    該片日前舉行群星友好場，錢嘉樂及錢小豪等捧場。電影未上畫已獲各地電影節關注，一連入選四個海外影展，包括第四十四屆夏威夷國際電影節、 香港國際電影節、“香港電影新動力2024 光影浪潮”東京站、大阪站以及福岡站。

    劉俊謙戲中飾演一位對港產動作片充滿熱誠的年輕武師，當中一場挑戰在油麻地鬧市拍攝槍戰，阿謙對當日武師團隊效率極為欣賞：“電影預算所限，嗰朝基本上好短時間就完成一整場槍戰戲，一個上晝就拍咗差唔多超過一百個鏡頭，好難忘嘅係自己從未試過喺咁短時間內完成，成個拍攝進度、速度要更快，但係動作指導海哥（江道海）好好，手足又好清楚自己要啲咩，自己就好努力跟住去執行。”

    另一場令阿謙難忘的戲份，在六層高的跳樓戲，拍攝時都有點膽戰心驚：“我本身冇畏高，但企上六樓拍攝都有啲怯，因為就算有威也吊住，始終自己人生都冇試過企喺大廈嘅邊邊，望住樓下咁高然後之後自己要跳落去。”阿謙成功克服恐懼，更連拍幾次跳樓場面，他指最辛苦一班手足：“我就咁跳落去都係做少少跳樓反應，最難嘅反而係啲拉威也嘅師兄，即係點樣放威也，威也放到去邊度要勒住拉。”

    戲中董瑋亦挑戰拍攝跳樓戲，他跟阿謙不約而同認為最辛苦是一班拉威也的手足。今年踏入七十歲的Dee哥，透露拍攝前自己都有點怯，皆因這次是他廿八年來再度吊威也，但最後只需三 take就完成，證明寶刀未老，再次展現大師級的專業和實力。他說：“喺條件有限之下，都冇咩辦法去試或者夾，仲有一個原因，就係真係好高啦，試一次驚一次，咁不如直接演啦。”