米雪跟老師學唱歌滿足

    日前，米雪與石修為馬來西亞《Astro經典名曲歌唱大賽2024》擔任評審，二人亮相時，令現場觀眾起哄，一眾參賽者更大為驚喜。這次為歌唱比賽評審，米雪認為最重要是參賽者有否努力、用心及練歌。米雪坦言自己專注演戲，笑言：“知道自己唔係呢瓣嘅，你出去比賽，一定有人唱得好過你，咁就唔好阻住大家啦，畀啲心機做戲好過啦。”不過其實她一直有跟老師學唱歌：“唱歌係因為有陣時要出去做宣傳或者登台演出，呢個係滿足嘅、自己都開心嘅。一直都有跟老師練唱歌，一定要練住咁把聲先至可以愈唱愈好，唔會停留喺原地。”

    石修及米雪均表示喜歡唱歌及跳舞，眾所周知石修玩了多年色士風，但原來他亦喜歡唱歌，既可抒發情緒，又可減壓，娛己娛人，多年前亦曾參加過歌唱比賽，更贏得冠軍。他說：“參加過《“李後主”歌唱比賽》得第一名，我記得嗰陣時係唱《破陣子》。”除此之外，石修的飲歌亦一大堆：“平時冇唱K，不過飲歌都有幾首：《李香蘭》、《喜歡你》、《海濶天空》、《hotel California》、《I don't want to talk about it》。”