陳蕾擔心唱歌難忍笑

    《KATCH OUR LIFE陳蕾x洪嘉豪x魏浚笙音樂會》，將於二○二四年十一月十六日假亞洲國際博覽館舉行。這次是陳蕾、洪嘉豪(Kaho)及魏浚笙(Jeffrey)首度同台演出，不單只樂迷期待，三位主角同樣興奮，各自以一個形容詞來形容他們的心情。陳蕾道：“我會形容為緊張，因為我驚唱嚴肅嘅歌望到Kaho或者Jeffrey會忍唔住想笑。”Jeffrey則道：“我會用光芒去形容，因為有時見到Kaho同陳蕾都好有光芒。”而Kaho表示：“一定要用豐富去形容，因為三人曲風唔同，台上可能會有啲幾好玩嘅嘢。”

    早前為音樂會拍攝海報，攝影師特別營造了帶有王家衞電影感覺氛圍的場景，三人收起了平日輕鬆的心情與笑容，在鏡頭前chok爆擺甫士，型格十足。他們拍攝時不約而同聯想到王家衞電影世界的演員，Kaho道：“我想做返啲氣質出嚟，所以有啲相我係張國榮嘅翹腳。”陳蕾說：“我都有個曼玉腦喺度！”Kaho聽罷即代Jeffrey回答：“我係國榮腳、你係曼玉腦，Jeffrey本身就係城武樣啦！”Jeffrey聽到傻傻地笑着，流露出金城武般的可愛笑容。