胡鴻鈞國語新歌唱到打結

    胡鴻鈞(Hubert)昨日接受新城廣播《勁爆樂勢力》主持黎莉錄音訪問，宣傳新歌《CITY LIGHT》，Hubert形容錄製新歌是大挑戰，“成首歌都係挑戰，我幻想唔到自己可以唱呢首歌，監製仲話我要唱埋rap，雖然我嘅國語還可以，但始終唔係母語，歌詞又密又快，之前成日喺屋企練，開頭都唱到打晒結。”

    Hubert自爆對這次新嘗試感到害羞，他笑言：“錄音時有啲怕醜同尷尬，因為型同唔型係一線之差，快歌同國語我又唔擅長，驚自己偏離咗，依家聽返首歌嘅rap都唔係唱得特別好，叫做盡咗力，之後唱Live會好緊張同擔心。”

    黎莉提到獨立音樂人周卓盈（阿Mic）視Hubert為偶像，並因為他而入行做歌手，令Hubert相當驚訝，“真係口架？知道佢因為我而入行，呢件事對我嚟講好大意義，冇諗過自己有咁嘅能力，令其他人有力量追自己夢想，下次可以同佢一齊做訪問。”