星女郎逐個數

    “你現在個女朋友係邊個？”當年老友鬼鬼的王晶問周星馳，“梗係阿娟啦！”兩個大男人坦言拍拖情況，該是兄弟層次了，而且王晶一直目擊周星馳的情海翻波……

    周星馳與羅慧娟，因合作《蓋世豪俠》撻着，地下情三年，圈內人早知道了，稱羅慧娟為“星妹”！她亦會甜笑回應，本以為此情會一帆風順……

    朋友透露，羅慧娟很純情，自言嚮往婚姻生仔組織家庭。言之鑿鑿阿娟曾經主動向周星馳求婚，卻換來對方一句：“你神經病？”我本一片芳心向明月，無奈明月似的星星向了溝渠……娟妹離開傷心地，異地他鄉找到了歸宿，至死沒有返香港。

    據知情人目擊，因周星馳戀上了朱茵，才與羅慧娟分手的。王晶透露，周星馳初見朱茵的情景：“當時，我同陳嘉上都見到，周星馳見到朱茵，隻眼好似跌咗出來咁滯，睇到佢實㗎，睇住佢對朱茵出手……！”後來傳聞因莫文蔚介入，周星馳才與朱茵分手。周星馳作為偶像，非常自我珍惜，每部戲都與女主角有緋聞，支支吾吾疑幻疑眞，最後不了了之，只留下星女郎閒話。獨是有一位香港小姐，承認與周星馳拍過拖。王晶“笑傲江湖”網站開張之際，書展有個座談會——三十五年前的港姐季軍——林疑嫺，著書立説，講育兒心得……講美國的奮鬥史……

    “我同星仔識於微時……”故地重遊，開場白先與周星馳扯上“親密關係”，又說“老友鬼鬼，我叫佢星仔，叫星爺反而唔習慣”，又笑言回味拍劇時捱餓，搞到胃痛，收工後，星仔陪她入院並送她返家的往事。問到當時是否被周星馳力追，她又說：“佢好好人，佢好Nice，對個個都好嘅……而且，當年套套劇都係女主角，朝朝開工都六點半，瞓都冇得瞓，食飯都無時間，點會有時間拍拖！”

    只要沾到星爺的戲都會紅！書展上，出版育兒書的前輩港姐，面對一大班圍觀者，一講周星馳，就立地生根了。“當年，我在TVB好忙，一夜之間，決定去美國，走得咁急，旁人以為我‘有咗’，清者自清，當年冇回應，因大學突然通知。現在特此澄清。”

    知星爺者，王晶也，大爆過氣老友的錢銀女人，太敏感不能盡錄……如果朋友是用來出賣的，好戲仍在後頭。

    （王晶解剖星爺 · 三之三）

    高梁