開音樂學校桃李滿門

    谷婭溦夢想從政做議員

    谷婭溦（溦溦）將於本月十七日晚舉行歌迷聚會，名為《Voice of Vivian谷婭溦“溦溦”道來流行歌會》，她表示感謝歌迷會一直以來的支持，為答謝大家，決定大派福利，舉辦一場免費音樂會。歌迷需預先報名登記，先到先得，每位歌迷可免費獲兩張入場門票。

    溦溦日前接受新城知訊台台長程凱欣與麥卓華《原來生活好快樂》節目“自主人生”環節錄音訪問，訪問將於本月十八日播出。谷婭溦在節目中形容自己性格大大咧咧，所以初入行時得罪人多、稱呼人少，“我個人直腸直肚，冇諗咁多心機嘢，說話欠缺婉轉，得罪咗唔少人。”入行已十五年的谷婭溦，直言性格並無改變，變的只是心態。

    谷婭溦指自己有個宏大的夢想，就是做一個有影響力的歌手，“我想企得高啲，唔係為搵錢，我當咗香港係我第二個家，好想去為呢個地方出一分力，如果我唔做歌手，我會去做ICAC（廉政公署），因為細個睇電視劇，見佢哋攞住個證行出嚟好有型，所以追溯到最後我好想從政，記得五年前同朋友行街見到選議員，我好有衝動去選。”

    谷婭溦十六歲開始研習聲樂，以全湖南第一名、全國第二名的成績考進武漢音樂學院，後來成為美國波士頓伯克利音樂學院的在讀研究生（主修美聲）。去年她在港開設音樂學校，如今已經桃李滿門，“我希望自己嘅歌聲畀更多人認識，所以點解我要開音樂學校，就係想承傳更多人嘅夢想。”

    程凱欣爆料，指有不少歌手表示跟谷婭溦學唱歌都曾被她責罵，但做得好亦會獲得讚揚，谷婭溦即扮惡反駁，“邊個話我鬧佢？我從來唔鬧人，鬧人係最低級做法，我只會用第二個方法去解決，例如前排《中年好聲音2》有兩個學生開唔到聲，我叫佢同一個動作做五十次，睇住佢做，做到啱為止。”可謂嚴師出高徒。