王祖藍被大女讚靚仔心甜

    昨日，王祖藍亮相港台節目《是日快樂》擔任嘉賓，分享快樂的家庭生活。祖藍表示：“我兩個女性格南轅北轍，大女好似我，做人圓滑又古靈精怪，細女就似媽咪李亞男一樣咁文靜。（大女可有遺傳了你的搞笑天份，將來繼承你的衣鉢？）我不介意囡囡將來做搞笑接班人，但一切待她們長大後看看喜歡做甚麼，到時會尊重她們的決定。”

    談到快樂秘訣的話題時，祖藍表示：“我一直唔覺自己係靚仔，所以派學員在《福祿壽訓練學院》中扮劉德華，點知大女竟然質問我：‘點解你覺得自己唔靚仔？你係靚仔嚟㗎。我聽到她咁講，都甜在心頭。”

    談到最近李思捷與阮兆祥扮新聞人物“何伯”、“新何太”被大讚神似，祖藍笑言：“我在群組內見到他們的扮相時，已經笑到肚痛，一早知祥師兄扮新何太冇難度，難得思捷扮何伯真的入型入格。”