吳若希“公審”老公冇被投訴

    今晚播出的無線訪談節目《香港婚後事》，嘉賓是吳若希奇(Jinny)。

    敢言的Jinny自認有一套自己想法：“我會將好多人擺喺心裏面唔敢講嘅嘢，全部講曬出嚟。”提到她不時網上“公審”老公，她解釋道：“好多人覺得家醜不可外揚，但我唔係咁諗，我教唔到你，咁就由出面嘅人教你，我係咁嘅心態。老公亦冇因此投訴我。（會否擔心被人指女權至上？）唔介意，冇所謂啦，咁樣我可幫到老公擋好多嘢，佢唔想去嗰啲局，就會話老婆唔畀去！”

    講到“女方出軌”話題時，Jinny 分享了一件真人真事，她說：“女事主為了報復老公出軌，竟與老公好友搭上，後來更發現外面世界好大，相當花生。”

    對於出軌話題，主持之一的陳自瑤亦有感而發：“男人又好女人又好，出軌可能只係一時衝動，就係為咗一刻嘅歡愉做錯事。無論做咩事都好，最緊要唔好為咗一時一刻嘅衝動、快樂，毀咗成個家庭，代價好大。”