姜濤牛一出新歌答謝粉絲

    前日是姜濤廿五歲生日，當日他人在新加坡為《Mirror Feel The Passion Concert Tour 2024》巡迴演唱會準備外，同時亦要與Mirror各成員一起接受當地傳媒訪問，在工作中度過生日。不過他早前特別製作了新歌《好得太過份》，並於生日當天推出，送給一眾粉絲。

    今次拍攝MV時，姜濤拿來大量粉絲寄給他的信件作為道具，他表示好喜歡收到粉絲的來信：“不嬲我都鼓勵粉絲寫信畀我，唔使嘥太多錢送禮物畀我，因為你哋寫信畀我，我已經接收到你哋內心嘅想法，呢個重要過禮物。”

    對於今年生日雖然要在海外工作中度過，姜濤心情大好，笑着表示：“又到一年一度嘅生日，每一年嘅生日，都漸漸地變到好似唔係我嘅生日，但我好開心，大家會因為我嘅生日而聚埋一齊好開心。好多謝一直以來支持我嘅粉絲，好多謝身邊每一個愛我嘅人。今年生日願望，係希望身邊所有人身體健康，大家開開心心，生活愉快。”