雲浩影新碟封面照唯美

    日前，雲浩影(Cloud)推出第二張個人唱片《INTRODUCTION to PAIN》，新碟收錄《自發性神經反應》、《無以名狀的痛》、《放下放不下》、《回憶半分鐘》、未曝光的作品《Too Good To Be __》，以及翻唱Bruno Major的《To Let A Good Thing Die》等。唱片封面及相集由麥曦茵導演團隊製作，於長洲取景。Cloud以多個造型上陣，身穿白色紗裙的她見到海灘時非常興奮，更赤腳走到水中跳舞，畫面唯美，仙氣爆燈。

    Cloud分別以黑色型格西裝和白色仙氣紗裙在海邊取景，被海水沾濕裙擺的她索性除鞋，赤腳跑落水中。她拿起裙擺在水中轉圈跳舞，興奮得像個小孩一樣，畫面自然唯美。Cloud說：“今次影Album Cover都幾艱辛，攀山涉水去到長洲。見到有個咁靚嘅陽光與海灘，順便落埋去Let’s Get Wet，啲衫濕晒。”唱片靚相由麥曦茵導演操刀，Cloud大讚對方能捕捉到自己最自然的一面。她說：“佢覺得我自然嘅狀態係最舒服、最吸引到人。我比較易做到，所以成個拍攝過程比較隨意同埋自然。”