嘉華澳大升班馬互撼

    【本報消息】本地甲組足球聯賽，今晚七時在蓮峰球場上演升班馬大戰。去季乙組冠軍嘉華硬撼澳門大學。嘉華、澳大升班後同樣交出不俗表現，嘉華人腳牌面稍佔優，有力睇高半線重拾勝軌。

    嘉華上輪不敵賓菲加，吞下今季首場失利，不過開季四戰兩勝一和一負，表現仍相對突出，前線何嘉誠、高美斯配合張海山、費基里度進攻，後防有門將巴迪斯達、龔政豪等扼守防線，整體人腳實力夠強，儘管四戰攻入十四球失六球，防線未算十足穩健，但以攻代守仍為爭勝添信心。

    澳大靠羅偉豪、田宇軒、葉陽及余偉俊等年輕球員領軍，升班後搶得兩勝兩負，先後贏蒙地卡羅及加義，但面對現排榜首的賓菲加，以至實力中堅分子BARBIE聯樂，澳大仍有距離吞下連敗。嘉華實力、經驗佔優，睇好今場升班馬大戰中坐和望贏。

    恆勢尾場鬥加義

    尾場恆勢迎戰加義。恆勢上輪輸給青鋒，不過陳嘉健、李潤濤等土炮，連同比卡殊、干迪及法比斯奧等外援掛帥，整體表現不弱。加義今季大換班，林澤峰、余梓揚等年輕球員發揮不差，惜經驗輸蝕難以守到最後。恆勢今季表現明顯較優，料可搶分力爭上游。