陳凱琳讚大仔肯做家務

    昨日，陳凱琳(Grace)與陳安立出席港鐵舉辦的“綠鐵B‘動’樂日”活動，Grace更出任活動大使，攬實“綠鐵B”公仔打卡，推廣低碳環保綠色生活。她表示：“今日我都想帶小朋友嚟，但係我怕做嘢照顧唔到佢哋。依家哥哥都會喺屋企做家務，做吓垃圾分類，小朋友唔驚烏糟嘅，大仔依家做咗細佬嘅榜樣，二佬見佢做咩亦跟住做。”

    Grace笑言自己不時會坐港鐵過海，即使代步都用電車：“其實小朋友都好鍾意搭港鐵，成日都話要坐，佢哋仲有自己的八達通卡，但我教佢哋唔好亂咁‘嘟’，因為入面啲錢係父母好辛苦搵返嚟嘅。依家會教佢哋理財，等佢哋有個概念。” Grace還表示早前獨自到歐洲出席時裝周活動時，也是坐當地的地鐵出行。

    陳安立昨日擔任大會司儀，他笑言老婆會着他的二手衫：“我平時好少買衫，都係着贊助商送的衣服，着舊咗就畀老婆做睡衣。”