林峰回巢拍劇機會高

    前日，麥美恩主持的新節目《Mayanne小喇叭》邀請到林峰與吳卓羲擔任嘉賓。

    林峰受訪時解釋為何當上嘉賓的原因：“麥美恩贏得最佳主持獎喎，當然要賀一賀啦，而且我同佢喺《使徒行者3》中合作過，加埋吳卓羲唔啱又喺香港，所以我叫埋佢一齊來支持一下囉。”

    吳卓羲則表示：“我與林峰喺訓練班開始認識，至今都已經有廿五年。（你唔怕被麥美恩追問感情事嗎？）唔怕，我份人工作至上，所以冇太多拍拖時間。若有人再追問，我就叫佢睇娛樂新聞囉，哈哈！（你的緋聞女友菊梓喬轉投新唱片公司噃！）我都知道，只要佢覺得開心同舒服，我都會支持。”

    林峰被問到何時回巢無線拍劇？他表示：“正商談中，相信喺今年內成事嘅機會好高。”