譚玉瑛感嘆舊時細路單純
前日，譚玉瑛以大使身份出席兒童交流選拔活動開幕禮，擔任過兒童節目主持多年的她，在現場分享與小朋友相處趣事。譚玉瑛說以前的小朋友比較直接，當時的家長帶小朋友入電視台，主要都是想小朋友開眼界，因為電視台有很多不同崗位，可以讓小朋友學習不同事情，跟不同人相處可學到禮貌。還有小朋友要簽約，是有騷錢計的，所以他們不能因眼瞓就不去錄影，學到答應了就要做。不過最好笑是有些家長，在接小朋友收工時不見了人，原來去了隔籬廠睇明星。
譚玉瑛又大讚現代的小朋友比他們那一代叻，所以身為帶領小朋友的大人，都不可以鬆懈。譚玉瑛表示，她由上世紀八十年代開始，主持兒童節目《430穿梭機》， 因為當時社會簡單小朋友思想比較直接，節目中她是太空人，所以都不會食飯，啪粒藥丸就當為食飯。有一次她拍外景時在茶樓食叉燒飯，有小朋友見到便走上前問她：“點解你會食飯？你唔係食藥丸口架咩？”
