朱敏瀚被讚有天份做機師

    蔡思貝前日到機場，為新劇《飛常日誌》進行宣傳活動。她表示在劇中飾演航空公司主管，最難忘是行了很多職員通道。她透露近日要拍攝一部電影，片中要被人掟落樓。同場的朱敏瀚一身有型機師打扮現身，他在台上透露，在模擬駕駛艙學習時，被導師指有天份做機師，對方還遞上卡片，叫他有興趣做機師可找對方。朱仔表示當然有興趣，因為人工好吸引，但等他做唔掂演員先考慮，希望唔會撈唔掂。

    飾見習行政人員的郭柏妍，大讚見過豬仔揸飛機很有潛質，自己都想做女機師，不過就要等將來冇工作時再考慮。她透露拍攝時曾經中暑，幸好同場拍攝的徐榮及時捉實她，否則跌落地塊面一定花曬連唔到戲。她說：“當日中午十二點拍攝，因為怕肥嗰日只食咗少少嘢，突然暈倒，我自己都好驚，隻手僵咗，後來工作人員畀咗‘正氣水’我飲，冇事就繼續拍。”朱仔笑言亦有飲過“正氣水”，不過他主要是在室內有冷氣地方拍攝，都是拍他和空姐溝通，有些演員是真空姐，不過他沒有“抄牌”。