陳展鵬撇低妻女與粉絲慶生

    陳展鵬在前天自己四十七歲農曆生日與五十多位粉絲舉行見面會，並與大家一起慶生。

    展鵬坦言：“今日是疫情之後我首次與粉絲搞聚會，再看到大家，真的好開心。（為何不帶老婆及愛女‘小豬比’同來慶祝生日？）小豬比因為早前太多假放了，先有聖誕，跟着又到元旦新年，她玩得好盡情，夜晚唔肯睡覺，搞到已有黑眼圈，所以我同老婆已開始調整她的作息時間，減少帶出來參加一些活動。（小豬比已五歲，會否考慮追多個小朋友來陪女兒？）我都覺得一個真係唔夠，愈多愈好，但也要考慮好多方面的。（老婆可有‘封肚’不再追的意思？）她又冇講過，最近見她不時做運動瘦身，不知是否開始在調理身體呢？又或者她想跟我一起出席頒獎禮。”

    被問到生日願望是甚麼時，展鵬表示：“希望家人身體健康之外，還有就係世界和平，在電視新聞上看到的都係開心事。（新曆生日會與妻女一齊慶祝嗎？）那一天剛好係公司台慶頒獎禮，生日要開工更有氣氛，我一啲都唔介意。我知道頒獎禮今年在澳門舉行，特別隆重，尤其新增了大灣區獎項，希望得獎的同事都有更好的發展啦！”