黃智雯跳槽做蔡少芬師妹

    黃智雯(Mandy)上月約滿離巢無線，踏入二○二四年，她正式宣佈正式加盟“凱藝娛樂”公司，成為朱茵與蔡少芬的同門師妹。日前Mandy為新一年拍攝造型照，對於加盟新公司大叫興奮，表示抱正面開放態度，迎接新挑戰。

    Mandy表示剛過去的二○二三年，對她來說的確是特別的一年。她成為人妻，身份改變，亦因這個身份變化，令她深感要展開人生的新階段。她說：“好想突破自己，跳出框架，嘗試一啲以前未試過嘅嘢！好多人問我係咪會去演多啲舞台劇，當然舞台劇喺我呢兩年嘗試後，畀到我另一種滿足感，我都想繼續開拓舞台劇上嘅自己，不過我覺得自己有更加多可能性，好想同多啲唔同嘅演員合作，多啲火花，對電影、綜藝節目、真人騷等所有嘢抱開放態度，以樂觀、開放嘅心態迎接新挑戰！”

    Mandy表示老公和好姊妹對她的新動十分支持，她亦感謝所有支持她的人：“多謝大家喺社交平台留言支持及祝福我，每一個留言我都有睇，好感動。”