郭柏妍想學手語方便拍劇

    人氣急升的郭柏妍日前冒着寒風，與方紹聰（奶仔）出席公益活動“無聲旋律慈善單車日”擔任活動大使，當天還有彭皓鋒、丁文俊、樂隊All For One及關伊彤等參與，一同行善。

    郭柏妍因為未學識踩單車，所以只負責主持活動啟動儀式，落場踩單車就交方紹聰負責，他更自備私伙單車踩到大尾篤。這次“無聲旋律慈善單車日”活動也推廣手語，郭柏妍表示拍《破毒強人》時曾學過少少手語，但當日到場與聽障人士溝通時，才發現自己有些手勢已經忘記了，如果有機會她也想繼續學，因為將來拍劇亦可以派上用場。

    方紹聰則透露自己有個輕度智障的姐姐，“因為她語言表達有困難，所以會用手語同我溝通，但唔知佢啲手語係自創定學校教的。我又試過教弱聽人士跳舞，要用一啲簡單手語來溝通。原來完全聽唔到聲音都可以跳舞，只要Bass勁啲，佢哋就可以感受到震動而跳舞。”