命運敲門卻如此

    “擔開張櫈……搬開一陣……”唔係裝修，亦非搬屋，此乃世界名曲。旋律似乎係人都識，聞者亦為之醒神。有解畫曰，此係命運敲門聲。二百一十五年前今日，此曲在維也納河畔劇院響起，命運之神，從此定音。

    第五交響曲《命運》，乃貝公貝多芬而立之年，耳疾困擾，仍窮三載所成。當年首演，貝公粉墨登場指揮，同場尚有同日面世之第六交響曲《田園》，並親自彈奏第四鋼琴協奏曲。

    貝公原將此曲題贈親王、伯爵兩贊助人，後因曲力萬鈞，世人只知“命運”，誰人贊助，已無關重要。

    然曲首三短一長的音型，後世卻有諸多猜測。今人多聽從命運敲門聲之說，專家卻言此乃捉錯用神。原來貝公於維也納公園散步時，聽得黃鸝鳴聲，以此入曲而已。

    二次大戰期間，英國有電台在新聞廣播時以此音型為序曲。三長一短，於摩斯電碼中係V字，即英文“勝利”首字母，認真識抽水！

    西門公子