裝假胸激咀偉仔

    蔡卓妍笑言搵食艱難

    相隔二十年後，兩大影帝劉德華與梁朝偉繼《無間道》後再度合作拍電影。這部大製作《金手指》，將於本月三十日全球同步上映。前晚，該片舉行首映禮，楊受成、林建岳擔任主禮嘉賓外，導演莊文強偕《金手指》主要演員梁朝偉、劉德華、蔡卓妍（阿Sa）、任達華、方中信、陳家樂及錢嘉樂等齊亮相，他們並到台上分享拍該片的感受，場面熱鬧。

    華仔與偉仔當晚成了全場焦點，事關二人相隔二十年後再合拍電影，充滿話題性。華仔表示：“我和偉仔雖然相隔廿年才再合作，而平日我們亦好少見面，但再一起工作起來時，自然地就好合拍。”偉仔亦表示：“我與華仔之所以這樣合拍，是建基於開始做演員時，大家已是好朋友，因此也有了一份無形的默契。”

    談到戲中阿Sa與偉仔有一場激吻戲，阿Sa表示：“我當時拍得好投入！”記者追問偉仔是否也好投入？偉仔笑言：“我都好投入呀！”阿Sa又自爆早前與劉嘉玲見過面，原來對方已看過該片段，阿Sa表示：“嘉玲姐話我應該錫得再狼死啲，但現在的程度我覺得已經好狼死了！”身邊的偉仔亦帶點尷尬地附和道：“係呀，呢個程度啱咪好囉！”

    阿Sa又透露電影將上畫，心情好緊張：“因為我仍未睇片，（同兩個影帝合作，是否因此緊張？）當然不是啦，我只是緊張自己的表演。（你在戲中與偉仔有激吻戲，可擔心成為女士們的公敵？）唉，搵食艱難囉！其實，戲中我更要裝假胸營造好身材，導演本來叫我帶埋個假胸出來宣傳，不過這假胸是特效妝，每日需要花三個小時黐上去的。（試完裝假胸的感受後，會否羨慕大胸女生？）不會，我自己都有啦，哈哈！”

    偉仔表示今次演出不算辛苦，但相比過去拍文戲則比較疲累，因為今次角色要使出多些能量去演出。華仔亦認同：“今次演出不算辛苦，動作方面只有一場撞車戲。”說到上次兩人合唱《無間道》主題曲成為經典，今次為何沒再合唱？偉仔跟華仔對望後微笑道：“其實導演曾經提議過，但我好耐冇唱歌，唔係好敢。”問華仔為何不給偉仔一點鼓勵？華仔即笑言：“我都唔係好敢！（你有《潛行》與《金手指》兩部電影同檔期上畫對撼？）係呀，自己當然不想這樣，以前也出現過類似‘自己打自己’的情況，唯有希望觀眾兩部戲都捧場啦！”