江嘉敏寧甩拖無悔剪短髮

    江嘉敏憑古裝劇主題曲有份入圍無線《萬千星輝頒獎典禮 2023》“最佳電視歌曲獎”，台上她被司儀要求即場獻唱時，豪言唱歌是要收錢的。受訪時嘉敏表示最想得歌曲獎，認為做人應該要有突破。憑《新四十二章》首度入圍角逐“視后”的她，笑稱首次演男仔頭角色，以為會獲提名“最佳男主角”。她在台上聲稱有好角色的話不介意再剪短頭髮，雖然會被男朋友飛。嘉敏坦言，拍攝時對剪髮曾有疑惑，而且出來的評論好兩極，但她無後悔剪短髮，認為非常值得。阿Moon就說：“因為咁（嫌棄女友剪短髮）呢啲人唔要都罷！”

    劉佩玥(Moon)憑《隱形戰隊》入圍提名 “最佳女主角”，去年奪得“大馬視后”的她，今年可有信心再下一城？Moon直言一向對自己有信心：“有信心至可駕馭到角色，但可以再畀心機，好感謝監製畀我演糖衣女漢子嘅角色，喺外形上畀我學咗好多功夫。”可有信心撼贏大熱的佘詩曼？她說：“每次頒獎禮都唔係以對手行先嘅心態，會同自己比較，覺得自己要再努力，要對得住個獎，我都有睇《新聞女王》，抱住學習心態。”