王浩信離巢老婆開心整蛋糕

    曾兩奪TVB視帝的王浩信，日前突然自爆已離開無線。本月五日他在深圳出席TVB新劇《黑色月光》的開鏡拜神儀式，再度與楊茜堯、林夏薇等合拍重頭劇令人期待，但受訪時卻自爆已約滿離開TVB，現時回復自由身。王浩信當年以歌手身份出身，加入TVB轉眼已經十七年，近年王浩信多在內地工作，原來他已完約近半年並未簽其他經理人公司，但與TVB維持友好關係，會以部頭合約與TVB繼續合作。

    其實今年四月時，他已成立王浩信創作室有限公司，當時邵氏兄弟執行董事樂易玲就回覆傳媒查詢時指：“浩信有唔同嘅諗法，想做一啲自己嘅項目，佢都已簽下香港女劍神余繕妡，咁我哋啲細路哥個個都大，都有好多發展嘅方向。”老公離巢，仍然效忠無線的陳自瑤，原來在王浩信宣佈離巢當日，就去咗整蛋糕，仲扮到靚一靚咁入廚，佢留言表示原來係整畀媽媽：“做給媽媽的生日蛋糕，可以嗎？”見佢整咗個粉紅色cake，上面有晒王冠、金幣，金光閃閃，陳自瑤仲笑得開懷勁滿意，似乎完全唔受王浩信離巢影響，繼續自己享受生活。