好情人非好丈夫

    黎小田，本地人由細睇到大。幾十年前以童角入戲，與白燕、張活游演《可憐天下父母心》，阿嬋阿叔散場一殻眼淚。當年童星出身，影視圈行走數十載，有此演藝壽命者，數埋冇幾個。

    家出名門。父乃香港本土著名音樂家黎草田，早年不少港產片配樂出自其手筆；母乃作家，曾擔職香港《大公報》、《新晚報》。主編娛樂版，稔熟影圈中人，常帶小田入片場。小子樣貌精靈，因利乘便，遂成童星。

    影視圈闖盪數十年，台前轉幕後，承父業，攻音樂，時見佳作，“問我”、“大地恩情”、“胭脂扣”街知巷聞；“人在旅途灑淚時”曾撮合幾許K場情侣。佢捧紅張國榮、梅艷芳，自己亦粉墨登場搞搞震。

    才子多情，放蕩不羈。身邊老友如斯評論。小田冧女圈中有名，當年身邊不乏群蝶亂舞。然女嘗曰：佢係好情人，唔係好老公；亦有問：究竟搞“死”幾多女？

    四年前今日，小田公去矣，齡七十三。

    西門公子