馬明依足習俗過大禮

    靚湯：未見過咁大龍鳳鈪

    馬國明（馬明）與湯洛雯（靚湯）這對娛樂圈金童玉女，將於十二月飛到外地舉行婚禮，攜手踏進人生新階段。婚禮舉行日期漸近，馬明依足傳統婚嫁習俗進行了“過大禮”的儀式。昨日，靚湯在臉書曬出一輯馬明“過大禮”的靚相，與大家分享二人的喜悅。

    從靚湯曬出的靚相中，可以看到她穿上充滿喜慶的紅色吊帶背心，在琳琅滿目的“過大禮”物品前留影，笑得十分甜蜜。而禮品當中，除了鮑參翅肚、禮餅等例牌有的物品外，最耀目的還有馬明送給愛妻的一大堆金器，包括有多對流星錘般的巨型龍鳳鈪及金戒指、金茶具及每條至少有五隻金豬的兩條大金豬牌頸鏈，可以看得到馬明出手闊綽，勁冧靚湯。

    過完大禮，靚湯又在IG的即時動態曬出與愛郎馬明的含情對視的甜蜜合照。

    靚湯在曬出馬明“過大禮”物品的同時，亦留言談及自己的感受。當她看到巨型龍鳳鈪時，笑言自己亦大開眼界：“咁大個女第一次見到好似流星錘咁大嘅龍鳳鈪，仲有好多隻豬豬 （金豬牌頸鏈），好靚好壯觀呀！”

    之後，她又表示：“又一項完成！原來過大禮係咁複雜，嗰日係有少少呆咗。不過好多謝馬生嘅疼愛，同各位兄弟姊妹幫手，特別係Ella、湯樂瑤、林子善、黃嘉樂，讓任務順利完成。啲餅有成四大盤，多到食唔晒派唔晒，而且啲盤聽講係傳承落嚟，好意頭、好意頭。”靚湯又表示，今次過大禮可以咁順利，真係非常多謝負責籌劃的公司細心同埋妥善嘅安排，“負責人Marc都係一個開心果，仲特意安排咗一位非常有經驗嘅大妗姐幫忙，辛苦你哋啦！”

    這輯“過大禮”照片曝光後，吸引了不少網民、粉絲、好友留言送上祝福。靚湯的好姊妹高海寧在留言區表示︰“嘩～ （禮品多到）張相裝唔落啦！果然係過大禮！”網民亦留言指馬國明“真係夠豪！”“嘩嘩，好勁呀﹗馬明落重本，娶到靚老婆。”