袁澧林在傳統家庭長大

    日前，Angela（袁澧林）與羅永昌導演為港鐵拍攝廣告片段，二人飾演父女。Angela在傳統家庭長大，試過與家人冷戰：“以前到食飯側側膊扮冇事，不過現在大個女，學識講我愛你同對唔住，同埋我喺屋企負責講無聊嘢，令到大家好融洽。”片中提及入夢的情節，勾起Angela讀書時期的回憶：“我以前住粉嶺都會經常搭火車，每次經過大學站爸爸都會話第時叫我讀這間大學，但我不夠叻，去了九龍塘那間大學就讀，這都是我成長的回憶，不過現在講火車好似好舊咁，暴露了年齡。”

    袁澧林說跟羅導早前在電影中合作，覺得對方好慈祥，幸好未見識惡死的一面。羅永昌導演說現實中屬暖男爸爸，除了對太太溫馨外，亦會體諒兒子的感受：“其實導演同我傾拍這條片時，我發現好似同仔仔的關係，爸爸唔係大晒，現在後生有自己世界，都要學識跟他講對唔住。”羅導笑言幕前比幕後輕鬆，因為等埋位時沒有太多事兼顧，可以與台前幕後傾閒偈：“我同Angela冇父女相啦，她咁靚女！以前我係第一個正途申請在西鐵拍電影的人，當年部戲是小齊和千嬅演的，現在地鐵發展到咁多條線，仲要用地鐵這個詞真係老啦！”