馬明陳豪唔介意食白果

    TVB《萬千星輝賀台慶》前晚圓滿落幕，馬國明和陳豪失落大獎表現大方，至於抽中大獎的郭珮文於受訪時才終於清醒。郭珮文和趙紫諾在台慶抽中大獎頓變天然呆，場面搞笑。抽中四十二萬元獎金的郭珮文事後受訪時笑說：“而家自己醒咗喇，但未接受到自己抽中大獎，太神奇喇，因為自己之前都冇抽獎運，同埋都未打算點用呢四十二萬，會做啲有意義嘅事，同請朋友食飯，自己用就研究吓有咩投資。”馬國明猜輸給郭珮文失落了四十二萬大獎，他說：“ 唔緊要，因個獎本身都唔係我，係陳豪， 自己一直都好相信運氣， 係你就係你， 唔係你就唔會畀你， 今晚個運氣就喺嗰個女仔度。”

    陳豪亦稱冇獎都唔可惜：“因為自己個波放入箱， 就已經預咗個獎唔係屬於我。”馬明笑指陳豪特意放入那個箱，因為他是TVB最高人工的員工， 所以不稀罕這些獎。陳豪又稱好開心， 因可在太太陳茵薇的好友朱凱婷手上出線。二人又同樣聲稱沒有抽獎運。馬明更笑言連擦膠都未抽中過，最多都是在聖誕派對上交換禮物，多謝陳豪揀他出來，這已是送給他的一份好大的結婚禮物及好大的人情，所以會請對方食飯。