入行53年首次入圍叱咤

    尹光：有人支持好開心

    前晚，由博愛醫院主辦的《博愛SO ME SHOW MUSIC》頭場在竹翠公園舉行，尹光打頭陣出場，觀眾尖叫聲不斷。當張天賦(MC)、魏浚笙、馮允謙、Me&等現身時，樂迷亦十分興奮。

    近日人氣急升的尹光，坦言自己唱戶外騷特別開心：“我比較少戶外演唱，可以會同公司傾吓，也搞個戶外演唱會。（你今年入圍角逐叱咤頒獎禮噃！）係呀，我唱了五十三年第一次入圍‘叱咤’，我想借呢個機會多謝投票支持我嘅朋友，心入面已經好開心，就算十強止步都唔會失望。”

    MC被問到角逐今年叱咤頒獎禮可有信心，他坦言：“信心就一定有嘅，但唔想畀自己同粉絲太大壓力，知道佢哋有聽我啲歌就夠了。”談到隊友接着會開演唱會，他笑言未有計劃做嘉賓：“因為我都做過好多次嘉賓，呢個係佢哋嘅騷，畀佢地自己揸主意啦，如果佢哋邀請我都要問吓經理人先，雖然同公司都要問的。”

    洪嘉豪在台上自爆突然氣管敏感，開騷前突然呼吸困難，曾一度考慮辭演，他表示：“我之前都試過，但一直都搵唔到致敏原，食完藥好咗啲，但對眼仲未消腫。”

    魏浚笙當天一身禮服現身，粉絲不停叫Encore ，氣氛狂熱。他表示：“我今日係第三次戶外表演，覺得自己表現淡定咗！今年做咗好多唔同嘅歌，已經盡咗力就可以，冇想過要得到乜嘢獎。”

    馮允謙則表示參與戶外騷感覺好興奮，大讚觀眾夠晒反應，直言自己都想搞個人戶外演唱會。

    新女子組合Me&當日係首次現場演唱，她們笑言自己的表現亦值高分的：“平時我哋練習都以一百二十分做目標，就係怕現場甩轆！以為今日會好緊張，但原來上到台同觀眾互動，都覺得好爽，想再有其他表演。”