許靖韻佛山開唱反應佳

    Angela（許靖韻）的《情歌告白演唱會——佛山站》日前結束。被問演唱會難忘事，她笑言是換衫部分：“我和同事之前有rehersal過換衫，係非常之匆忙，大家都係留晒汗、好緊張，因為得兩分幾鐘去換好一套衫，同埋今次啲衫都唔容易着，換衫之餘亦都要換髮型、換飾物，所以喺quick change部分我覺得係最大挑戰！”此外，為食的Angela原本一早部署完騷後去某餐廳食餐勁，惜願望落空，因她在台上開心分享，結果餐廳近二十張枱都坐着等候她的歌迷，為免引起混亂及阻礙舖頭做生意，最後她要返酒店食外賣。

    演唱會分為五部分，特別編排了兩個跳唱環節，Angela坦言是想挑戰自己：“因為有三、四年沒有現場跳舞，所以希望可以呈現一個有進步嘅自己畀大家睇。”她謂最難是跟舞蹈員夾舞的時間比較少，因為騷前要到美國演出，到回來便又忘記了之前排好的舞步：“我畀自己今次跳唱六十分，因為我之前在舞台上很少跳唱咁多部分，有四十分係進步空間。”四年沒開騷的她令久違了的歌迷非常熱情，全晚不停瘋狂尖叫。Angela亦賣力使盡渾身解數演唱廿四首歌，又以鋼琴自彈自唱，並且再度挑戰她的跳唱強項回饋歌迷。