蔣祖曼首拍跳舞戲勁開心

    蔣祖曼(Joman)在無線台慶劇《羅密歐與祝英台》中飾演陸和客棧的老闆娘英華，她的演出受到網民讚賞：“蔣祖曼好有型。” “造型唔錯。”

    前晚播出的那一集中， Joman 智破老千易先生的場口，不少網民看得十分肉緊，尤其她含淚答應易先生求婚一幕，更讓不少網民大叫“小心老千”。幸好一切最終只是老闆娘反咬老千的局中局。

    談到拍攝這部劇，蔣祖曼表示：“我真係未試過開工係笑到想嘔。談到是次的角色，Joman笑言付出了不少第一次，包括跳舞及拍打戲，當中最大挑戰是跳舞：“劇組之前已經安排咗跳舞老師教我，拍嘅時候現場又有舞指，最好笑係拍嗰陣成班‘手下’為咗等我跳得輕鬆啲，個個跟住我一齊跳。”祖曼續指拍《羅祝》拍得勁開心。自稱真人“硬掘掘”的Joman，笑指劇中嫵媚場口全靠陸和館一眾男手下教路。談到角色造型，她指以西部牛仔Feel為主，並謂很難得在劇集中穿裙亮相：“造型嘅配件都幾多，除咗恤衫、仲有束衣背心同好多裙，我好少拍劇着咁多裙，另外仲有長Boot、槍袋、頸鏈、假髮，出到嚟效果好好。”