老婆連詩雅首入戲院捧場

    陳家樂呷醋：佢唔係嚟睇我

    日前，陳家樂、黃宗澤、張繼聰為主演的電影《紮職2》連跑七場謝票落力宣傳。早前連詩雅(Shiga)在社交平台上載一幅戲院內播放完電影《紮職2》的相片，相片中除了有老公陳家樂，還有另外兩位男主角黃宗澤及張繼聰，Shiga寫上“預祝票房大賣”，捧老公場表面好sweet。家樂隨後轉發並留言：“多謝支持，好似第一次嚟睇有我嘅戲，定係睇你偶像？你自己知自己事啦”，家樂疑似醋意大發。

    謝票當日，家樂說之前Shiga並不太喜歡看他的戲，首映當日是首次入場看他主演的電影：“因為可能我拍的戲多數是愛情片，今次難得是江湖片而我沒有感情線，所以她就好主動話要來睇啦。”但家樂笑言太太並非來捧自己場：“其實她來支持她的偶像黃宗澤，她好鍾意睇黃宗澤的戲，一瞓不着覺，就會開電話、開電視睇返黃宗澤的劇，《溏心風暴》1、2、3，所以我都好熟黃宗澤口架啦，好似和他經常見面，哈哈。”

    記者問陳家樂是否吃醋，家樂直言沒有，因為他亦有自己偶像：“難道她又呷醋嗎，哈哈，不緊要，由她睇囉，最好叫晒她的親朋戚友、粉絲去睇，支持套戲就得啦，《紮職2》加油！”

    站在家樂身旁的黃宗澤，被問到是否認識“陳太”，他謂之前曾為Shiga網上節目《絲打圍爐》擔任嘉賓，接受過對方訪問：“當時她都有同我講，話好鍾意睇我的戲，我有問：‘咁家樂知唔知口架？’哈哈，她說當然知啦！更說：‘依家最愛我老公！’哈哈，兩個成日在我面前曬命，騷恩愛！”首映當日，Shiga專程來捧他場，黃宗澤笑言既然陳太這麼捧場，應該自己掏腰包用老公名義買十張戲飛，再用他名義買五張，支持一下他們。